Artel

Artel (russisk арте́ль, 'arbeidsfellesskap') er ei generell nemning for ulike former for produksjonssamvirke i handverk, jordbruk og kunst i det gamle russiske samfunnet.

Artel-ordninga var karakteristisk for den førkapitalistiske perioden i Russland og går tilbake til 1200-talet (jamfør mir). I Sovjetunionen danna ho grunnlaget for det kollektiviserte jordbruket.

I russisk kunst er kunstnarartellet leia av Ivan Kramskoj frå 1863 særleg kjend.